Welkom by HvD se Webwerf

Die laaste blyplek van Wynand en Dalene Mouton voor haar skielike dood in April 2008 en syne twee maande later, op 21 Junie, was twee gekoppelde pragwoonstelle in Kusweg, Strand, met ’n manjifieke see-uitsig. In ’n spesiale hoekie van die Moutons se tuiste in die Metropole-gebou (as ek die naam reg onthou) had elkeen sy/haar eie vaste stoel. By kuiers is groot stories in daardie hoekie gepraat....

Tukkies se rugbytrui lyk soos die ene wat ek in die winter van 1958 die eerste keer oor my kop getrek het as linkervleuel vir die o. 19D's teen Oostelikes. Dis nou stabiliteit en tradisievastheid wat ek ek respekteer en salueer. Die kleure-rondomtalie van die grotes is daarenteen erg verwarrend. Om die Stormers in swart teen die Sharks te sien speel - die Sharks van alle spanne - is amper...

Hy was nog nooit op ‘n 90ste verjaardag nie.  Dus weet hy nie hoe om hom op sy eie te gedra nie. Aan die woord is een van Melkbos se “grand old men” (verskoon tog maar die Engels, Jacko!) wat vandag die 90-baken bereik. ‘n Luimiger, geestiger, spitsvondiger en soms stouter president van die Melkbosse Probusklub (‘n sosiale klub vir afgetredenes), sal jy ver moet gaan soek. Hy – waarskynlik die...

Vir spys en drank sê ons U dank, Ons loof U naam o Heer ….. Van die naweek-saamtrek van ‘n stranddiensspan van die Kruiskerk van  Stellenbosch by ons hier op Melkbos is hul pragtige weergawe van die tradisionele Voortrekker- / kerkkamp-liedjie voor elke ete van die aangenaamste herinneringe. Die enigste aangename herinnering is dit verreweg nie. Ek en Tokkie voel verryk deur alle aspekte van die...

Oor ‘n bord stomende New England clam chowder – koningskos – in Januarie 1976 in ‘n knus restaurantjie langs Harvard Square in Cambridge, Massachusetts, het ek die naam Nat Nakase die eerste keer gehoor. My onkunde het ek probeer verbloem deur my soplepel neer te sit en stadig, baie stadig, aan my glas sterk Bloody Mary te teug. Ek kon Jim Thomson, kurator van Harvard se Nieman Foundation for...

Abraham Gonidwe (35) , Malawiese tuinman, wat 10 jaar gelede by ons weg is met drome om sy eie ding te doen, het gister uit die bloute in sy silwer BMW 325i hier opgedaag. Sy drome is aan’t verwesenlik. Hy besit nou ‘n bou-onderneming. In sy arms was ‘n dogtertjie van 18 maande “Klein Tokkie” noem hy haar. Hy loop opgewonde van vertrek tot vertrek van "sy huis" en neem videos, verheug om al die...

Met die mis wat vinnig al hoe digter toesak, het die liewe Tokkie van Deventer gister die tweede keer in agt maande op haar gewone strandwandeling gruwelik verdwaal. Sy het uiteindelik 10 km heen en weer gestap soos sy vergeefs 'n baken probeer vind wat haar terug huis toe sal lei. Ek het seker tien keer gebel: "Waar is jy". Dan pleit ek: "Stap riviertjie toe" (Kleine Zout), ek kom haal jou...

Op Saterdag 10 September 1966 – laas Donderdag 60 jaar gelede – is die vermoorde premier, dr.HF Verwoerd, in die Helde-akker in Pretoria ter ruste gelê  … en het ‘n logistieke nagmerrie hom in die koerantwêreld afgespeel wat in hedendaagse tye met onmiddellike vinger-op-die-sleutel-kommunikasie vir baie seker onbegryplik sal klink. ‘n Omvangryke operasie soos vantevore nooit was nie en, weens...

Die geheim is uit: die naamlose resensent agter die mooi woorde oor Wag-’n-bietjie (Naledi, 2025) is Marlies Taljard. En hoor net: sy is ‘n letterkunde-proffie. Die resensie het oorspronklik op Die Boekboetiek verskyn, 'n boekeblad wat deur Marlies en Nini Bennet-Moll bestuur word. Om die een of ander raaiselagtige rede het ek dit misgekyk; ontdek dit nou eers na ‘n jaar. Marlies is...

Amper 'n jaar na plasing op die webblad Vriende Versindaba lees ek vandag die resensie hier onder raak. Die oordeel is vriendelik en hartverblydend. My gemoed voel sommer opgekikker. Die resensent beskou Wag-'n bietjie as een van die genotvolste boeke wat hy /sy in jare gelees het. Ek voeg graag by dat die resensie vir my ewe genotvol is. Wens ek kan weet wie dit geskryf het. Vriende Versindaba...

In die jaar van opstand en stryd 1976 word die seldsame geleentheid my gebied om ‘n simpatieke skrywe oor Suid-Afrika se gewraakte politieke bestel in ‘n voorste joernalistieke vaktydskrif in Amerika geplaas te kry. “Some misconceptions about South Africa”. Dit was die opskrif van my storie in die Harvard-universiteit se Nieman Reports. Daarin lewer ek ‘n pleidooi om begrip vir die dilemma van...

Luiperds boer werklik die winter in Sabiepark. In twee insidente figureer Tokkie se beroemde alleen-oggendwandelings – die laaste ene vanoggend terwyl sy “vir oulaas” haar lang roete aangedurf het: piekniekplek toe, dan op in Gwarriebos, dan weswaarts in Maroela en dan weer ooswaarts in Wildevy. Sy is so ‘n halfuur weg toe die telefoon lui. Dis Ernst Bezuidenhout, die parkhoof. “Stap die...

Uit Rapport, Sondag 9 Augustus ‘n Sagmoedige reus verskyn geruisloos uit die bosse  by ‘n piekniekterrein in  die Krugerwildtuin. ’n Agtjarige seun se oë rek in verwondering. Terstond word ‘n lewenslange olifantbewonderaar gebore. Dertig jaar later kom ’n gedugte ivoordraer by ‘n ander piekniekplek vlak langs die   olifantliefhebber staan. Die idee om sy liefde vir die spesie Loxodonta Africana...

Genoeg geknoei en gekonkel van skrik-vir-niks-spioene,  slim skurke en sluwe stropers vir ‘n volbloed-Deon Meyer-blitsverkoper. Genoeg skietgevegte, komplotte en onderduimse onderkruipery vir ‘n Rudie van Rensburg-treffer. Genoeg intriges, toksiese verhoudings en slaapkamer-avonture (konvensioneel en nie konvensioneel nie) vir ‘n stomende sepie in spitstyd. Genoeg warrelwind-tegnologie om ‘n...

Oor die jaar 1966 moet ‘n mens eerbiediglik skryf. Dit was ’n geweldige jaar. Van die grootste nuusstories was die eerste sagte landing op die maan, die val van Kwame Nkrumah van Ghana, die sluipmoord op dr. Hendrik Verwoerd, die stranding van die Seafarer by Seepunt en die noodlottige modderstorting op die dorpie Aberfan, Wallis, wat ’n skool verswelg het.Die Beatles het ophou toer. Hul laaste...