VERSIE VIR HYGNET
More uit Melkbos
By my ander blogplekkie, litnet.blogs.co.za/hvandeventer, trek ons die naweek ónder ‘n nuwe sambreel in.
Alles lyk nog bitter vreemd daarlangs. Die ouman sal maar voel-voel sy weg moet vind.
Oral stamp ek met die mees basiese goeters my kop teen ‘n hindernis. Ek voel skoon ontredderd.
Nietemin, skuus vir die wals. Laat ek daardie nuwe baan met ‘n hygversie open. Sit dit ook hier op sommer vir die pret. Het my vanoggend voor die skeerspieël te binne geskiet.
DANSERESSIE
O Monica, japonika,
wonder of jy weet:
hoe jy sans japonika
die swyne laat sweet
as jy saans, mooi Monica,
jou perelsnoere afmeet.
Groetnis
HvD (daai ou met die gryskop)
